ታዋቂው የቀድሞ የማንችስተር ዩናይትድ ክለብ አጥቂ ድዋይት ዮርክ በፕሬዝዳንት ትራምፕ ፓሊሲ ወደ አሜሪካ እንዳይገባ ታገደ

አባይ ሚዲያ ዜና በዘርይሁን ሹመቴ

ታዋቂው የቀ የማንችስተር ዩናይትድ እግር ኳስ ክለብ አጥቂ ድዋይት ዮርክ የፕሬዝዳንት ትራምፕ አጨቃጫቂው የኢምግሬሽን ፓሊሲ ሌላኛው ሰለባ መሆኑ ታወቀ ።

ከኳታር ወደ ሪፐብሊክ ኦፍ ትሪኒዳድ (Republic of Trinidad and Tobago) ለመብረር ማያሚ ላይ ግዴታ ትራንዚት ማድረግ ይገባው የነበረው የቀድሞው የማንችስተር ዩናይትድ ኮከብ ድዋይት ዮርክ ወደ ማያሚ የሚበር አውሮፕላን ውስጥ እንዳይገባ መከልከሉ ታውቋል ።

ባሳለፍነው አርብ በፍሎሪዳ ሁለት የኢምግሬሽን ባለስልጣናት ድዋይት ዮርክ ወደ ማያሚ እንዳይገባ እንዳገዱት መረዳት ተችሏል ። 

ከሁለት አመት በፊት 2015እኤአ ድዋይት ዮርክ በኢራን ዋና ከተማ በሆነችው ቴራን ለስታዲየም ማስመረቂያ በተዘጋጀ የገቢ ማሰባሰቢያ  የእግር ካስ ጨዋታ ላይ ተሰልፎ በመጫወቱ ምክንያት ወደ ማያሚ በሚያቀናው አውሮፕላን እንዳይሳፈር መደረጉ ተዘግቧል ።

የቀድሞው የማንችስተር ዩናይትድ አጥቂ ድዋይት ዮርክ  ይህን በቴራን 2015እኤአ የተካሄደውን የገቢ ማሰባሰቢያ ጨዋታ ካደረገ በሃላ እንኳን ኢራን አለማደሩን አሳውቋል ።

ይሁን እንጂ በአጨቃጫቂው የፕሬዝዳንት ትራምፕ የኢምግሬሽን ፓሊሲ መሰረት ማያሚን ለትራንዚት መርገጥ እንደማይችል እንደተነገረው ድዋይት ዮርክ ገልጻል ።

እየተከሰተ ያለውን ነገር ለማመን እጅግ ነበር የከበደኝ ። በቁጥር መግለጸ ከምችለው በላይ ወደ አሜሪካ ከዚህ በፊት ተመላልሻለው። አገሪቷን እወዳታለው ። አሁን ግን እንደ ወንጀለኛ ነው የተቆጠርኩት። በማለት ዮርክ በፍሎሪዳ ስለገጠመው እገዳ አስተያየቱን ሰጥቷል ።

ወደ ማያሚ በሚበረው አውሮፕላን ውስጥ ከገባ ወደ ኳታር በሃይል እንዲመለስ (deport) እንደሚደረግ ሁለት የኢምግሬሽን ባለስልጣናት አስጥንቅቀው እንዳስገዱት ዮርክ በተጨማሪ ተናግሯል ።

ድዋይት ዮርክ ለሁለቱ የኢምግሬሽን ሰራተኞች በኳታር እንደማይኖር ለማስረዳት ቢሞክርም ባለስልጣናቱ ውሳኔያቸውን ለመቀየር እንዳልቻሉ ገልጻል ።