“የሰው ልጅ እንደክርስቶስ ተሰቅሎ የማሰቃየት ተግባር ይፈፀምበታል”- አቶ ሐብታሙ አያሌው

አቶ ሃብታሙ አያሌው በታሰሩበት ወቅት በመንግስት የቀረበባቸው ክስ ሕጋዊውን የፖለቲካ ፓርቲ በሽፋንነት ተጠቅመው በአሸባሪነት ከተፈረጀው አርበኞች ግንቦት ሰባት ጋር በመገናኘት በሃገሪቱ የተለያዩ አካባቢዎች የሽብር ተግባር ለመፈጸም አሲረዋል። ይህንንም ደርሰንበታል ማለቱ አይዘነጋም።

አንድ እስረኛ ተመርምሮ ሲመለስ መጀመሪያ የሚቀርብለት ጥያቄ ተሰቅለህ ነበር ወይም አልተሰቀልክም? የሚል ነው የሚሉት ከእስር የተለቀቁት አቶ ሐብታሙ አያሌው ለማመን የሚከብድ ከባድ መከራዎች በእስር ቤት ውስጥ እንደሚፈፀም ይናገራሉ።

አቶ ሃብታሙ አያሌው በዚህ ፕሮግራም ላይ ስለ ምርመራ ዓይነቶች በዘረዘሩበት ወቅት የሰጡት ማብራሪያ እጅግ ዘግናኝ በመሆኑ ሕጻናት ልጆች እንዳያደምጡት የወላጆችን ትብብር እንጠይቃለን።

የቀድሞው የተቃዋሚው አንድነት ፓርቲ ቃል አቀባይ በሽብር ወንጀል ተከሰው እሥር ቤት በቆዩባቸው ሁለት ዓመታት በምርመራ ሳቢያ ደረሰብኝ ያሉት ከባድ ስቃይ አሁን ለሚገኙበት የጤና ቀውስ እንደዳረጋቸው ይናገራሉ።

ወህኒ ቤቶች ውስጥ የሚፈጸሙ ጭካኔ የተሞላባቸው ልዩ ልዩ የምርመራ ዓይነቶች በአብዛኞቹ እሥረኞች ላይ ሕልፈትን ጨምሮ ለተመሳሳይ የጤና ችግሮች እንደሚዳርጉም አቶ ሃብታሙ ያስረዳሉ።

አቶ ሃብታሙ ደረሱብኝ ያሏቸውን በደሎች በሚዘረዝሩበት ይጀምራሉ።
http://amharic.voanews.com/a/habtamu-ayalew/3777612.html"የሰው ልጅ እንደክርስቶስ ተሰቅሎ የማሰቃየት ተግባር ይፈፀምበታል"- አቶ ሐብታሙ አያሌው