በጎንደር ለአስረኛ ጊዜ የቦንብ ጥቃት ተፈፀመ

አባይ ሚዲያ ዜና
ናትናኤል መኮንን

በጎንደር ከተማ በቀበሌ 15 ቀጠና 1 ፋሲለ ደስ እስታዲዮም አካባቢ ነዋሪ የሆነው የህወሓት የሰሜን ጎንደር  የደቡብ ጎንደር  የምእራብ ጎጃም የአካባቢው ማለትም የቀጠናው የህወሓት ሰብሳቢ ሊቀምንበር እና የትግራይ ልማት ማህበር ሊቀመንበር የሆነው አምባየ አማረ በተባለው ግለሰብ ሚያዚያ 12 ቀን 2009 ዓ.ም ከምሽቱ 2፡47 ሰዓት ሲሆን መኖሪያ ቤቱ በቦምብ ጥቃት ተፈፅሞበታል ፡፡

ይህ በእንዲህ እንዳለ በትላንትናው እለት በጎንደር የተፈጠረውን ችግር ለማረጋጋት ከሙሴ ባምብ ወታደራዊ ካምፕ ወታደር ጭኖ የተንቀሳቀሰ አንድ ኦራል መኪና ከምሽቱ 4፡40 ልዩ ስሙ የኢትዮጵያ ካርታ የሚባለው ቦታ ላይ በጥይት ተመትቶ መኪናው ሲገለበጥ 4 ወታደሮች ወዲያውኑ ሲሞቱ 5 ቀላል ቁስለኛ ሆነዋል። ኦራል መኪናው ዛሬ 13/08/2009 ከቀኑ 5፡00 ሰዓት ተጎትቶ ጎንደር አዘዞ ወደሚገኘው ወታደራዊ ካምፕ የመጣ ሲሆን የቆሰሉ ወታደሮች አዘዞ በሚገኘው የጦሩ ሆስፒታል ህክምና እየተደረገላቸው ይገኛሉ፤ ሟቾችም አዘዞ ሎዛ ማሪያም ቤ/ክርስቲያን ተቀብረዋል፡፡