የመለስ ዜናዊ ደብዳቤ፡ ከሙታን መንፍስ ሰፈር (ከሙሉቀን ገበየሁ)

0

የትግል ጓደኞቼ፣ የሕወሃት አመራር አባላትና ለተከታዮቻችን በኢሕአዴግ ደርጅት ስም  ከፍትኛ የስልጣን ቦታ ለሰጥናችሁ ሁሉ። እነሆ ባካል ከትለየኋችሁ ጥቂት አመታት አለፈ። እንድምን አላችሁ? ከተለየኋችሁ ወራት ጀምሮ  ቀንና ለሊት ሳይቀር የኔን  ህልም እንደመምሪያችሁ አድርጋችሁ ስትምሉ ስትግዘቱ እንድነበር በመንፈስ ካለሁበት ቦታ ሆኜ ተከታትዬ ነበር። አሁን ግን ጭንቅ ላይ ስትሆኑ ስሜን እንኳን ለማንሳት ፈርትችኋል፤ እንዳውም ረስታችሁኛል።

ይሄ ኃይለማርያም ደሳልኝ የሚባል ሰው “መለስ የጀመረውን ሁሉ እፈጽማልሁ” እያለ ፪ አመት መሉ በግል ጸሎቱ ሁሉ ሳይቀር ሲያነሳኝ እናንተንም ሲያድንቁርችሁ ሰንብቶ፤ ወንበሬን የያዘ መስሎት ሲቀባጥር፡ እነአባይና በረከት፣ እንዲሁም አርከበ  ጭንቅላት፣ ምላስና  ሆድ ቢሆኑለትም  ፈሪና አደርባይ ሆኖ አረፈው።  የእኔን ዱካ መከተል ትቶ  አይንና ጆሮውን ከፍቶ የህዝቡን ጥያቄ ቢያዳምጥ ይሻለዋል።

ስገዛውና እንድ አሰኘኝ ሳደርገው ከነበርው አገርና ህዝብ  በህመም ስቃይና በሞት ከተለየሁ ጀምሮ ያለሁበት ቦታ ሆኜ በምድር ላይ ሆኜ ያሰለፍኩትን ግዜና ዉሳኔ ለመመርመር ችያልሁ። እነሆ እናንተም እኔ በሄድኩበት መንገድ ከሄዳችሁ የሚጠብቃችሁ ዋይታና ሰቆቃ ነው።

በእኔ  ውሳኔ ምክንያት ህይወታቸውን በአስከፊ ሁኔታ ያጡ ብዙ ኢትዮጲያዉያን መንፈስ እዚህ መንፈሴን በጣም ረብሸውታል። የሰራሁት ድርጊት ሁሉ በአምላክ ፊት ለፍርድ ሲቀርብ እኔን የሚከላከል ምንም የአጋዚ ሰራዊት ወይም ፌድራል ፖሊስ የለም። ወርቅ ህዝብ ብዬ ከሌላው የኢትዮጲያ ህዝብ አስበልጬ የጠራሁት የትግራይ ህዝብ አጠገቤ አልቆመም። በቢሊዮን የሚቆጠር ገንዝብ ሰውሬ በባንክ አስቅምጬ ቢሆንም  እዚህ ምንም አልጠቀመኝም።  ሌኒን ወይም ስታሊን ወይም ማኦ ሊያድኑኝ እዚህ አልመጡም።

ስቃዩ  የጀምረኝ ገና ከናንት ጋ በምድር ሳልሁ በህመም ተይዤ በቢልጄም አገር ሀኪም ቤት ሳለሁ ነው። ቀዶ ሀክምና ቢደርግልኝ፣ መድሃኒት ቢሰጡኝ  በህመም ከመስቃየትና በትኩሳት መንደድ  ህሊናዮን በመሳት ስሰቃይ ከርሜ ወደ ሌላው አለም በሞት መላእክ አሸጋጋሪነት ሄጃልሁ። እናንተ በድን ስጋዬን ይዛችሁ አገሩን ሁሉ ማቅ ስታለብሱ፤ እዚህ በመንፈስ ግን የሙታን ሰፈር ተወሰጄ እንደ ስራዬ ወደሚገባኝ የመንፈስ ቦታ አርፌያልሁ። የሚያከብርኝ፣ የሚፈራኝ፣ የሚታዘዘኝ ማንም የለም። የኔን አይንት ስራ በምድር ላይ ከፈጸሙ እርጉም የሰዎች መንፍስ ጋ ተቀላቅዬ የፍርዴን አግኝቼ ዘውትር ለቅሶና ዋይታ ላይ ነኝ።

በልጅነቴ ጀምሮ በልቤ የነገሰው ጥላቻ ህይወቴን  በሙሉ አብላሽቶት ቀርቶል። አማራ የሚባል ህዝብ የትግራይንና የኤርትራን ህዝብ በደሉ በሚል የተጋነነ  ስብቀት ተከትዬ በተለይ ኢትዮጲያ የሚባል አገርን ማፈራረስና የትግራይን የበላይነት ለማንገስ ህይወቴን በሙሉ ደከምኩ። በትግራይና ኤርትራ አንዳንድ ሽማግሌዎች የዘባረቁትን ታሪክ እየሰማሁ አድጌ፤ የአጼ ምኒሊክ ንጉሰ ነግስት መሆን የአጼ ዮሓንስን ዘርና  የትግርኛ ተናጋሪን ንግስና በአማራ ህዝብ ተንኮል ተነጠቅን ብዬ፣ ያለፈ ታሪክ ተከትዬ፣  ህይወቴን በሙሉ ለጥፋት ባከንኩ።

በልጅነቴ ጀምሮ የታመቀውን ጥላቻ ትምህርትና እድሜ ሳይቀይሩት የሞትኩ ሰው እኔ ነኝ።  ከአድዋ ተማሪዎች የተለየ እድል ደርሶኝ ጂኔራል ዊንጌት ትምህርት ቤት አዲስ አበባ ስገባ ሁሉ የኢትዮጲያ  ጎሳ በሚኖርባት አዲስ አበባ ሰው መሆን ሲገባኝ፤ እኔ ግን ከኤርትራ ከመጡ  በመገንጠል ስሜት የተጠመቁ ተማሪውች ጋ ወግኜ፤ ሌላውን ኢትዪጲያዊ በዝቅተኝነት በማየትና በማገለል የልጅነት ወጣትነቴን ጀምርኩ።  ሰው እንድሆን ከፍትኛ ትምህርት የመማር እድል ቢያጋጥመኝም፡ ሀኪም ሆኜ የሰውን ልጅ ጠላት የሆነውን በሽታ እንደመዋጋት ይልቅ  ከህክምና ትምህርት ቤት ዩንቭርሲቲ አፈንግጨ ወጥቸ ሌላውን ሰው ለመግደል ወደ ሽፍትነት ሜዳ ገባሁ። በማናወቀውና ከባኋላችን ጋ ከማይስማማው የባእድ ፍልስፍና ተጠምቄ  የጥላቻ ልቤና ጉልብቴን አጠንከርኩ።

እንኆ በበርሃ ሜዳ ሆነን ስንቱን የትግራይ ሰው እንደኛ በልብ ጥላቻ ካላኖርክ ብለን አሰቃየነው። አንተ ፊውዳል ነህ፣ ሃብታም ገበሬ ነህ፣ የኢድዩ ደጋፊ ነህ፣ የደርግ ሰላይ ነህ፣ የድርጅቱን ስራአት አልጠበክም ብለን ስንቱን የትግራይ ህዝብ ጨረስንው?!

በተለይ 1977 ድርቅ ግዜ ፤ከውጭ ርዳታ ለርሃብተኞች የመጣውን እርዳታ ነጥቀን፤ ለመሳሪያና ለድርጅታችን  ማሳድጊያ ለኤፈርት ሀብት መስብሰቢያ መሰርት ጣልነው። በእዝያ እርዳታ ህይወታቸው ሊተርፉ ይችሉ የነበሩ ስንት ህጻናትና አረጋውያን እንዲሁም  ሴቶች ነፍስ  እዚህ እረፍት ነስትዉኛል፤ ባአምላክ ፊት ይከሱኛል።

በክፋት ታውረን በትግራይ ተራሮች ጉድጓድ ምስን ከነህይወታⶨው ስንቱን ቀብረናል፣አስረናል፣ ገድለናል?!

ወደ መሃል አገር ገብተን የስንቱን ንብርት ዘርፈናል። አዲስ አበባ ገብተን ስልጣን ስንይዝ  አገሩን ሁሉ እንዳያምጽብን፣ ሰውን ሁሉ በጎሳ፣ በቋንቋና በሃይማኖት ለይተን በከፋፍልህ ግዛው ዘዴ፤ ስንቱን ህዝብ አስለቀስን። ከመጀምሪያውም በጥላቻ የተነሳንባቸውን አማራ የሚባሉ ህዝብን ያድርገንበት የዘር አድሎ፣ግድያ፣እስራት እንዲሁም ማፈናቀል፣ ዘር ማምከን  አሁን እዚህ ሁኜ ስራችንን ስመረመርው በምን አይነት ጥላቻ ታውርን፣ አገር ምድሩን ስናጠፋ እንደነበር ታውቆኛል።

አገር አይገንጠልም ብለው የተንሱትን የዩንቨርሲቲ ተማሪውችን በመግደል ጀምርን፤ ስንቱን አስረን፣ አሰቃየን ከሃገር አባረርን። እነ ፕሮፌስር አስራትን አስረን፣ አሰቃይተን ገደልን። የስንቱን ንብርት፣ መሬት፣ ሃብት ዘረፍን። አልመነውና አየተነው የማናወቀውን ሃብት ለብቻችን ዘረፈን፣ ቃረመን፣ ስንቱን ባዶ አደርግን ከጎዳና ጣልነው?!

ምርጫ 1997 ራስችን አውጀን፤ ህዝቡ በምርጫ አልፈልገንም ሲለን ስንቱን ሰላማዊ ህዝብ ለሰልፍ እንደወጣ በአጋዚ ሰራዊት አስጨርስነው? ስንቱንስ በእስር ቤት አጎርነው፡ ከሃገር እንዲሸሽ አድርግነው?

ሕዝቡ ሲያብርና አንድ ሲሆን በስልጥናችን እንዳይመጣ በጎሳና ሀይማኖት፣ የሀሰት ታሪክ እየፈጥርን ስንቱን አጫረስነው?  አብሮ በፍቅር ተከባብሮ ሲኖር የነበርን ህዝብ፤ በሀሰት ታሪክና በተጋነነ ትንሽ እውነት ይዘን ወደጠላትነት ለውጠን አጫረስነው ። አቲዮጲያዊነት የሚለውን የሐገር ፍቅርና መንፍስን ከህዝቡ ልብ ወስጥ ለማውጣት ስንቱን ተንኮል አደርግነው?! ባንዲራውን አውርደን፤ ታሪኩን አንኳሰንና ለውጠን ማንነቱን እንዲጥራጥር አደርገነው?

እግዚአብሄር የሰጠውንና አባቶቹ ከጠላት ጠብቀው ያስረከቡትን ምድር እና መሬት እኛ ባዋጅ ቀምተነው በኃይልና ጉልበት የኢትዮጲያ መሬት ሁሉ የመንግስት ነው ብለን የኛ አደርግነው። ስንቱን ገበሬ መሬቱን አስለቀቀን፤ አልደግፈከነም ብለን የሚገባውን ከልከልነው። ኑሮው የተመሰርተበትን፣ ከቅድም አያቶⶩ ጀምሮ የሚጠቀምበትን መሬት  ለባልሃብት ሸጥንበት፤ሰንቱን ከቤቱ አስወጥቱን ከጎዳና ጣልነው ?

እኔም ቢሆን አብርውኝ በርሃ ሜዳ የወረዱትን ጓዶቼን ስልጣኔን ይነጥቃሉ ብዬ ስንቱን አሳደድኩ፤ አሰርኩ፤ አገር አስለቀኩ። ሚስቴንማ ከማንም በላይ ሾሜ በአገሩ ሁሉ ንጉስና ንግስት ሆንባችሁ። የስንቱን ንብርት ዘረፍን።ኤፈርት በሚባል ድርጅት ስንቱን ከንግድ አወጣን፣ ከባንክ በብድር ስም በህጋዊነት የህዝብ ገንዝብ ዘርፈን። በዘርኝነት መንፈስ ተጠምቀን ስንቱን የትግራይ ተወላጅ ካድሬና የድርጅቱ ደጋፊን  ባለስልጣን ሃብታም አድርገን በህዝቡ ላይ አለቃ አደርግነበት?!

እንግዲህ  ይህን ድብዳቤ የምጽፈላችሁ  በሕወሃት አመራር ላይ ያላችሁ እንዲሁም ኢሕአዴግ ስም ስልጣን የሰጠናችሁ ደጋፊዎቻችን   የኔን መሰል ጥላቻ በልባችሁ ነግሶ አሁን ደርስ  አልጠገብ ባይነት  እየመራችሁ ወደገደል እንዲምወስዳችሁ ተገልጽሎኛልና የሚጥብቃችሁ ስቃይና ዋይታ መሆኑን ልነግራችሁ ስለፈለኩ ይህን ደብዳቤ ጻፍኩ። ከትንሽ ዘመን በኋላ ህዝቡ አስሮ ያኖራችኋል፣ ይግድልችኋል፤ ከፊሎቻቹሁ በበሽታ እንደ እኔ ተሰቃይታችሁ ትሞታላችሁ፤ ከዚያም አልፎ ስትሞቱ መንፋስችሁ እዚ ለፍርድ ቀርቦ ዋይታና ሰቆቃ ውስጥ ዝንተ አለም ትኖራላችሁ።

የተበደለ፣የመረረው፣የተጨቆነ ህዝብ ተነስቶባችኋል። ማሰሩ፣መግደሉ፣ማፈናቀሉ ሁሉ ሊገድበው አልቻለም። ይልቁን የሚሻለወን ልንግርችሁና ህይወታችሁን እና መንፈሳችሁን የማዳን እድል ብትጠቀሙ እምክራለሁ። የምትኮሩበት ሰራዊትና የደህንነት ክፍል፤ የዘረፋችሁት ሀብትና ገንዝብ፣ በአድሎ የጠቀማችሁት ሰውና ህዝብ ሁሉ እናንተን ተከትሎ አይመጣም። ብቻችሁን ነው ወደዚያኛው የመንፈስ አለም የምትመጡት።

ስናፈርስ የከርመነውን አገር፣ ስንዝርፍ የነበርውን ንብርትና ሃብት መልሱ። መርዝ እየንሰንስን ያጋጨነውን ጎሳና ህዝብ አስታርቁ፤ በጉልበት የያዝነውን ስልጣን እና ዙፋን ለህዝቡ በሚገባው ህጋዊ አስራር መልሱ። እናንተም ያሰቀየማችሁትን ህዝብ ይቅርታ ጠይቃችሁ ወደ ፈጣሪያችሁ ተመለሱ። ንስሃ ገብታችሁ ከፈጣሪያችሁ ተታርቁና ከሚጥብቃችሁ ዘላለማዊ ዋይታና ሰቆቃ እራሳችሁን አድኑ! የኢትዮጲያ ህዝብም ምናልባት ይቅር ይላችሁ ይሆናል።