በወያኔ መራሹ አገዛዝ ላይ ያነጣጠረው ትግል በእጅጉ ይቀጥል (ከሙሉቀን ገበየው)

0

ኢትዮጲያውያን ከሩብ-ምእተ አመታት በላይ በዘለቀው የሕወሃት (ወያኔ) አገዛዝ እየተሰቃዩ ነው። በጥላቻ መሃጸን የተጸነሰው  ከትግራይ የበቀለው የጥቂቶች ስብስብ  ሕወሃት፤ እጅግ በረቀቀ አስከፊ አገዛዝ ስልቱ ኢትዮጲያውያንን እየጨቆነ ይገኛል።

ሕወሃት፡ ሲጸንስ ጀምሮ በጸረ-አንድነት፣በመከፋፈል፣ በጥላቻ ተራራ  የተሞላ  ለራሱ ጥቅም ብቻ የቆመ  ጥገኛ አገዛዝ ነው። ኢትዮጵያውያን በእናት አገራቸው የሚገባቸውን  መሰረታዊና ተፈጥⶂዊ የሰብዓዊ መብትን  የረገጠ ኢ-ዲሞክራሳዊ አገዛዝን የመሰረተ ነው።

ሕወሃት፡ በጥቂት ትግራውያንና በኤርትራ መገንጠል በሚያምኑ የቤተስብ አባሎች የበላይነት የተመሰረተ ስብስብ ነው።  6 % የኢትዮጲያን ህዝብ የሚሆነውን የትግራይን ህዝብ እንኳ በፍጹም አይወከልም። በትግራይ ህዝብ ቀሚስ ስር ተደብቆ ራሱን የትግራይ ህዝብ ተወካይ አድርጎ ግን በአዳባባይ ይፎክራል።

አብዛኛው በትግራይ የሚኖር ህዝብ በፍርሃትና በድርብ ጭቆና ስር ወድቋል። ወያኔን ከመደገፍ ውጪ ሌላ አማራጭ አልተፈቀደለትም። ነገር ግን ከትግራይ ውጪ በአብዛኛዊ የኢትዮጲያ ክፍል የሚኖረውና በውጭ አገር የሚኖሩት ትግሬዎች  አብዛኞቹ  የስራአቱ ተጠቃሚ ናቸው።  ወያኔ በኢትዮጲያውያን ለይ የሚፈጽመውን እስራት፣ግድያ እንደ ጠበቃ የሚከራከሩለት እነሱ ሲሆኑ አገዛዙ እንዲቀጥል የማያደርጉት ቅጥፈት የለም።

ወያኔ በስውር ጥበቡ የሃሰት ፌደራላዊ አስተዳድር መስረትኩ እያለ የራሱን ሰዎች ከበስትጀርባ አስቀምጦ፤ የጎሳ ተውካዮችን ፊትለፊት እያሳየ፤ በጦር መሳረያ ጉልበት  ሀይል አገዛዙን ቀጥሏል። በከፋፈልህ ግዛው ዘዴው እየተጠቀመ፡ የጥላቻ መርዝ እየነሰነሰ፣ አንዱን ጎሳ ባንዱ ላየ እያሰነሳ፣ እያጣላ፣ በሃይማኖት ልዩነት ግጭት እየፈጠረ እድሜውን አራዝሟል። በዚህ ተንኮል ስልቱ ብዙ ኢትዮጲያውያንን እያፈናቀለ፣ቤት አልባ እያደረገ፣ ከስራ እያስወገደ፣ንብረት እየዘረፈ ከሃገር እንዲሰደዱ አድርጓል።

ባለፉት 27 አመታት፡ ሕወሃት ሰራዊቱን፣ ኤኮኖሚ አውታሩን፣ የደህነንት ክፍሉን፣መገናኘውን ከፍል እንዲሁም የማህበርሰቡን ዋና ዋና ከፍል በማስፈራርትና በማሰቃየት በጉልበት ተቆጣጥሮታል። “አንድ ለአምስት” በሚለው የስለላ መዋቅሩ ተበትቦ ህዝቡን እንዳይተንፈስ ቢያደርገም አሁን ግን እንዲያ ሊቀጠል አይችልም።

በፋሽስታዊ የጭኮና አገዛዙ የጥላቻ፣ የመከፋፈል፣የጥርጣሬና የሃስት ማንነትና ታሪክ በውስጣችን ዘርቷል።  ብዙሃኑን ከፋፍሎ፣እርስ በርስ አናክሶና በጥላቻ እንዲጠባብቅ አድርጎ ለራሱ የሚያመቸውን የጥቂቶች አገዛዝ ዘርግቷል። ይሄ ወያኔ እንኳን ከስልጣን ከወርደ ቦኋላ ፈተና የሚሆነን መርዝ ነስንሶብናል።

ይህን የጥገኛ አገዛዝ ለመጣል የኢትዮጲያ ህዝብ  በሰላማዊ መንገድ ከጅምሩ  ታግሏል። ወያኔ ግን  በ”ከፋፍልህ ግዛው” ዘዴው እየተጠቀመ ሲያከሽፈውና ሲያፍነው ኖሯል። ለአብነትም የ 1997 ምርጫ ተከትሎ የተነሳውን የህዝብ ሰላማዊ ጥያቄ በአስራትና ደም በማፍሰስ ተወጦታል።

ባለፉት 2 አመታት በአዲሱ ትውልድ ሰላማዊ የትግል እንቅስቃሴ ወያኔ ተንቀጥቅጧል። ወያኔ  ስልጣን ላይ ከወጣ ጀምሮ እንኳን የተወለዱት ወጣቶች የአገዛዙን የክፋት ፖሊሲ፣ ፍልስፍና አፈና በእጅጉ ፈትነውታል። 

በአገርና በውጭ ሃገር የተሰማሩ የአገዛዙ የፕሮፓጋንዳ ተቀጣሪዎች የሚደልቁት ከበሮ  በሃሰት፤ በተራ ወሬ፣በማጭበርበር፣ በቅጥፈት፣ በማጋነን፣  በጥርጣሬ  እንዲሁም በማስፈራራት ላይ የተመሰረተ በቅዥት እንድሚዘባርቅ አእምሮውን እንደሳተ ሰው ሆነው ተገኝተዋል። የህዝቡን ትግል ለማኮላሸት ገንዝብ የሚከፍላቸው  እበላ ባዮች አስመሳይ መሰሪዎችን ተጠቅሞ ነው።

ኢትዮጲያውያን ከፊት ለፊታቸው የተደቀነውን  የወያኔ ትልቅ እንቅፋት ለማለፍ ብልሃት፣ ዘዴና ጥበብ እንዲሁም ትግስትና ሰባዊነትን መላበስ አለብን። ባለፉት አስር አመታት ከሰራናቸው ስህተት መማር አለብን። በህብረትና በመተባብር  እየስራን ትግሉን  ከዳር ማድርስ አለብን። የተባበረና የተደራጀ ህዝባዊ የሆነ ከያንዳዱ ብሄር፣ጎሳ፣ ሃይማኖት፣ የትምህርት ደርጃ፣ የእድሜ፣የጾታ፣የችሎታ፣የሃብት ገደብ ሳይኖር ግፊት ብናደርግ ሕወሃትን ከፍጻሜ እናደርሰዋለን።

ከሚተናንቀን ግላዊነት፣የጎሳ ማሃብር፣ እንዲሁም የፖለቲካ አመልካክት ወጣ ብለን  ኢትዮጲያዊ ሰው መሆን (ኢትዮጲያ በምትባል ውድ ሃገር በአምላክ ፈቃድ ተፈጥረናልና  አለበልዚያማ በኢትዮጲያ ባልተወልድን ነበር) አለብን።አእምሮችንን ግልጽ አድርገን ጆራችንን ከፈተን የአብዛኛው ኢትዮጲያውያንን ጥያቄ እናዳምጥ። በጭለማ የተሸሸገውን ብርሃን ያሳየናል። ከጥላቻ፣ፍርሃትና ከጠላትነት አራንቋ ያወጠናል። ከጨልማ ዋሻ ዳር ከምታንጸባርቀው የነጻነት ብርሃን ያደርሰናል። ህብረትና ተባብሮ መስራት ብቻ ነው ከተደቀንበን ፈትና የሚያወጣን።

ባለፈው 27 አመታት የተነፈግነውን ነጻነት የምናገኝበት ቀን ተዳርሷል። በኢትዮጲያን ላይ የተዘራው የጥላቻ፣ የመከፋፈልና የጥርጣሬ ደምና የሚጠራብት ግዜ ቀርቧል፤ የነጻነት አየር ከዳር ይነፍሳል። ነጻነትና እኩልነት ያለባት አዲስ አገር ተቃርባለች።  በየትኛውም መስክ ያሉ ኢትዮጲያውያን ይህን ትግል ተባብርው ካዳር ማድርስ  ይጠበቅባቸዋል።

የወደፊት እድላችንን ለመወስን በምናደርገው ትግል ፊት፤ለፊትቻን የተጋርጠውን ፈተና ለመወጣት ስንፍጨርጨር  ለወያኔ እንዲሁም ለታሪካዊ ጠላቶቻችን ( ከቅርብም ከሩቅም) የሚረዳ ክፈተት እንዳይኖር መጠንቀቅ አለበን።

በህዝብ ትግል መተንፈሻ ያጣው ወያኔ ትግሉን ለማቀዝቀዝና ለማቆም ከሰማይ በታች ያለ ተስፋና  የውሸት ቃል ቢጋባም ፡ ከመሰርቱ ወያኔ አጭበርባሪ፣ ቀጣፊና ቃሉን የማይጠብቅ መሆኑን በማውቅ የወያኔ ፍጻሜ እስኪደርስ ድርስ ትግሉን በመቀጠል በወያኔ ፍጽሜ ነው ነጻነታችንን የምናረጋግጠው።

ኢትዮጲያን ሆይ፤  ይህን እውንታ አውቀን የጸረ-ህወሃት ትግሉን አፋፍመን መቀጠል አለበን። ሕወሃት ገደል አፋፍ ላይ ስላለ   ዘረ፣ ሃይማኖት፣ ጾታ፣እድሜ፣የአካል ብቃት፣ ሃብት፣ የትምሀርት ደርጃ ሳንል ተባብርን መገፈተርና ፍጻሜውን ማድረስ  አለብን።

የመንግስት ሰራትኛ ሆይ፤ ለመብትህ ለነጻነትህ ተነስ። የስራ አድማ አድርገህ የወያኔን አከርካሪ አጥንት አሽመደምድው።

ተማሪዎችና መምህራኖች።  ወያኔ  ለነፈጋችሁ የሰበአዊ   መብትና የእኩል ዜግነት ተነሱ። እናንተን አግልሎ  የተለየ ጥቅማጥቅሙን  “ለምርጦቹ ና ለደጋፊዎች” አድርጎታል።

ዲፕሎማት ሆይ።  ከህወሃት  ሚሲዮኖቹ አገልጋይንት ውጡና ህዝባችሁን ተቀላቀሉ። የወያኔ ወንጀልንና የክፋት አድራጎት  ለአለም  አስታውቁ ፤ አጋልጡ።

ነጋዴዎች ሆይ፤  እናንተን ከውድድር ሜዳ አስወጥቶ በጉልበቱ ተመክቶ በዘራፊ ካምፓኒዎቹ (እንድ ኤፈርት ያሉ) እየተጠቀመ የአገሪቱን ንግድ ሁሉ ተቆጣጥሮ  አስችግሯችኋልና ለመብታችሁ ተነሱ።

የፖሊስ ሰራዊት ሆይ፡ አንተን እየተጠቀመ ወንድምህን  እንድታስር፣ በሃሰት እንድትከስ ፣ እንዲሁም እንድትገድል የሚያደርገህን ይህን ግፈኛ ሕወሃት እንቢ በለው።

 የአገር መከላከያ ሠራዊት ሆይ።  ያነተ ድርሻ አገር ሊወር የመጣን የውጭ ወራሪን ሰራዎት መመከት እንጂ ወንድምህን ግደል ሲልህ አይሆንም በለው።  እንደ እንሰሳ ልንዳህ የሚለወን የሕወሃት ጂኔራሎችና የበላይ ሹሞች ላይ ጠመንጃህን አዙር እንጂ ወገነህን አትንካ። ሰከን በል።

 የሃይማኖት አባቶችና መሪዎች ሆይ፤  ስለ እውነት ቁሙ። ስለ ፈጣሪ ‘በጎች’ ቁሙ። የሚደርሰውን በድል ይቁም በሉ። ለሐይማኖት ተከታይ ልጆቻችሁ እግዚሃቤር የሰጣቸውን መብት ሲነፈጉ፣ ሲጨፈጨፉ አይሆንም በሉ። በከፋፋዩ፣ ባረመኔው፣በገዳዩ  ህወሃት ላይ ተነሱ።

ገበሬዎች ሆይ፤ መሬታችሁን ነጥቆ  ለራሱ ባደርገው ህወሃት ላይ ተነሱ። የተሻለ ገንዝብ ሲያይ ለውጭ ዜጋ መሬታችሁን ሽጦ በመሬታችሁ ላይ ‘ባርያ’ እንድትሆኑ በሚያደርጋችሁ ወያኔ ላይ ተነሱ። በእግዚአብሄር ጸጋ በላባችሁ የምታመርቱብትን መሬት ስትሉ ወያኔን በቃ በሉት።

 ጋዜጠኞች፣ ጸሃፊያን፣ የሚዲያ ሰዎች ሆይ፤ ስለ ህዝባችሁ፣ ስለሃገራችሁ ስትሉ አገራችንን  የውስጥ ቅኝ ግዛት በያዛት ሕወሃት ላይ ተነሱ። እራሳችሁንና አካባቢያችሁን እንዳትገልጹ  መብታችሁን በነፍጋችሁ ወያኔ ላይ ተነሱ።

ምሁራኖች ሆይ፤  በስቃይ ላይ ያለውን ወገናችሁን አግዙት። መንገዱን፣ ህወሃትን ማፈርሻ ስልቱን ለህዝባችሁ አስተምሩ።ዘዴወን፣ መፍትሄውን የተሻለ አገር መገንቢያ ሂደቱን ጠቁሙት።

 ተቀዋሚ የፖለቲካ ድርጅቶች ሆይ፤ በመካከላችሁ ያለውን ልዩነት አጥቡና በጸረ-ወያኔ ትግሉ ተባበሩ። በህወሃት የማታለያ ድራማ አትከፋፈሉ። ስለ ህዝባችሁና አገራችሁ ስትሉ ተነሱ። ወገናችሁን ምሩት፤ መንግዱን አሳዩት።

ከሁሉም ጎሳ የተወለድን ኢትዮጲውያን ሆይ፤ ኢትዮጲያ አገራችን የለቅሶና የዋይታ የሞት አገር ሆናለች። እናቶች ያለቅሳሉ፡ ወጣቶች የፊት ተስፋቸውን ተነፈጉ። የሕወሃትን አስከፊ ወረራና አገዛዝ እንድጥንቱ አባቶቻችን ተባብረን እንመክተው። እግዚሃቤር የሰጠንን ነጻነታችንን  እናስከብር። በሕወሃት ላይ ተነሱ!

ባፋፍ ላይ የቆመውን ትንፋሽ ያጠርውን  ወያኔ ግዜ አንስጠው። ከፊት ለፊታችን ያለውን ድላችንን አናስነጥቅ።

በወያኔ የታሰሩትን፣ የታርዙትን የተሰዉትን ወገኖቻችን ደም እንዲሁ ፈሶ አይቀርም።

ለኛም ለልጆቻችንም ተስፋ የምትሆን አዲስ አገር እንገንባ!