የተፈቱት እስረኞች ከአሜሪካ ኤምባሲ ሃላፊዎች ጋር ተገናኙ

አባይ ሚዲያ ዜና
አቢሰሎም ፍሰሃ

ዛሬ የካቲት 19, 2010 የአሜሪካ ኤምባሲ በራዲሰን ሆቴል ለአንዱአለም አራጌና ለእስክንድር ነጋ የምሳ ግብዣ አደረገላቸው።

በምሳ ግብዣው ላይ ከአሜሪካ ሀገር ወደ ኢትዮጵያ የመጡ ሶስት (3) ሰዎች አንዱአለምን እና እስክንድርን ያናገሩዋቸው ሲሆን፣ አንደኛዋ ሜሪላንድ ውስጥ ካምብሪጅ የምትባል ከተማ ከንቲባ መሆናቸው ታውቋል። ሁለቱ ግለሰቦች ደግሞ አክቲቪስቶች ሲሆኑ በብሄራዊ እርቅ ዙሪያ ሰፊ ውይይት ማድረጋቸውን ከስፍራው የደረሰን ዜና ያስረዳል።

ችግሮችን በሰላማዊ መንገድና በውይይት መፍታት እንደሚያስልፈግ መነጋገራቸውንና፣ በዚህ ንግግር ላይ ከኤምባሲው ባለስልጣናት የተወከሉ ተጨማሪ ሶስት ሰዎች መገኘታቸው ታውቋል። ሶስቱ ሃላፊዎች የፖለቲካ ክፍልና የፕሬስ ክፍል ባለስልጣናት ሲሆኑ፣ በቀጣይም ከኤምባሲው ሃላፊዎች ጋር ተጨማሪ ንግግር ለማድረግ ቀጠሮ ይዘው መለያየታቸውን ለማወቅ ተችሏል።