ግልፅ ደብዳቤ ለክቡር እንደራሴ (በወንድምአገኝ አዲስ )

0

ሔሎ ሔሎ ሔሎ፣ ክቡርነትዎ፣

ብደውል ብደውል፣ ተይዟል ስልክዎ፣

ላስቸኳይ ጉዳይ ነው፣ የደውልኩልዎ።

ክቡር እንደራሴ፣ ሔሎ ይሰሙኛል፣ ይቅርታዬ ይቅደም፣

መቼም ካገራችን፣ መቼም ከህዝባችን፣ ይልቅ ጉዳይ የለም።

አንድ ኢትዮጲያዊ ነኝ፣ የደወልኩልዎት፣

አላስችልህ ያለኝ፣ ያገሬ ሰቆቃ፣ የወገኔ ብሶት።

ገና ሳልነግርዎት፣ እስዎም ያቃሉ፣

ወከልኩት ያሉት ህዝብ፣ሲረግፍ ሲጨፈጨፍ፣ አይኖችዎ ያያሉ።

ያያል ልቦናዎ፣ ፍትህ ሲገመደል፣

ህዝብ ሲጨፈጨፍ፣ አገር ስትበደል።

ልብዎ በሚያቀው፣ህዝብም ባይመርጥዎት፣

ሚሊዮን ህዝብ አለ፣ ወከልኩት የሚሉት፣

እስኪ አንድ ቀን እንኳን፣ ለሱ ድምፅ ይሁኑት።

ከልብ አስባለሁ፣ ህሊና እንዳለዎት፣

ደም አጥንት አይደለም፣ ህዝብ የጠየቀዎት፣

በዛች ፓርላማ ውስጥ፣ አንዲት ድምፅ አለዎት።

እሷን ነው ክቡር ሆይ፣ አታባክኗት ያለው፣

ንፈጉት ህዝብዎን፣ ሊጨፈጭፍ ላለው።

እንዴት ያል ስርአት ነው፣ ንፁሀንን ልግደል፣

አገር በደም ልጠብ፣ ፍቀዱልኝ የሚል።

አምናለሁ አይተኙም፣ ልክ እንደ በፊቱ፣

እስኪ ነቃ ብለው ዛሬን ይሞግቱ

ደም ከጠማው አውሬ፣ በቶሎ ይፋቱ።

ህዝብዎን ይታደጉ፣ ክቡር እንደራሴ፣

5 ጉዳይ ሆኗል፣ አያባክኑ ጊዜ።

ወይ ኢትዮጲያን ብሎ፣ በክብር መወሳት፣

ወይ ወያኔን መርጦ፣ በውርደት መተፋት፣

አንድ ነው ምርጫዎ፣ አንቱ የተከበሩ፣

አዋጁን በማክሸፍ፣ ዛሬ ታሪክ ይስሩ።

~~~~~~~~~~~~~~~~~~