130724-M-EV637-333 Deputy Secretary of Defense Ashton B. Carter, left, meets with Gen. Samora Yunis at the Ethiopian National Defense Force Headquarters in Addis Ababa, Ethiopia, on July 24, 2013. Carter is visiting Uganda to meet with senior government and military leaders to affirm the growing security partnership between the United States and the East African nation. DoD photo by Sgt. Aaron Hostutler, U.S. Marine Corps. (Released)

አባይ ሚዲያ ዜና -ጥር 10፣2012

የቀድሞ የኢፌደሪ መከላከያ ኃይል ኢታማጁር ሹምና በጡረታ ከስልጣናቸው የተሰናበቱት ጀነራል ሳሞራ የኑስ በወልቃይት ልዩ ስሙ ደጀና በተሰኘው አካባቢ በትላንትናው እለት ከወጣቶች ጋር ምክክር አድርገዋል።

ጀነራሉ 45ኛ ዓመት የህወሓት የምስረታ ክብረ በዓልን ምክንያት በማድረግ ነበር የቀድሞ ካምፓቸው በነበረው ደጀና ላይ ተገኝተው ነው ምክክር ያደረጉት።

ጀነራል ሳሞራ ታሪክን ለመስማት ያላቹህ ጉጉት ቢያስደስተኝም የራሳቹህ ታሪክ ለመስራት እንድትዘጋጁ ግን አሳስባለሁ ሲሉም ወጣቱን አነሳስተዋል።

የትግራይ ህዝብንና ህወሓትን ነጣጥሎ ማየት አይቻልም ያሉት ጀነራል ሳሞራ፣ የቀድሞ የትግል መዝሙራቸው ወልቃይት ደጀና ላይ መዘጋጀቷን አሳታውሰው፣ወጣቱ ከመዘመር ባለፈ ትርጉሙም በጥልቅ እንዲያውቅና እንዲመራመርበትም ቅስቀሳ አድርገዋል።

ወልቃይት ደጀና በ1977 ዓ/ም እንደተመሰረተና በወቅቱ ዋና የህወሓት ካምፕ እንደነበር ያወሱት ጀነራል ሳሞራ፣ ህወሓቶች ከመበታተን ወጥተው ልዩ አድራሻና የስልጠና ማዕከል በማድረግ እንደተጠቀሙበት ገልጸዋል።

ደጀና ታላቅና ታሪካዊ የትግል ቦታችን ቢሆንም ሁሉም የትግራይ ተራራ ሸንተረርም ግን ታሪክ ሰርተዋል ሲሉም አክለዋል ጀነራሉ።

ህወሓት ከሌሎች እህት ድርጅቶች ጋር በመሆን ልትበታተን የነበረችውን ኢትዮጵያን ማዳኑንና አገሪቱ አሁን ላለችበት ደረጃ ማድረሱንም ገልጸዋል።

ህወሓት የገበሬ እንስራን ጨምሮ ህዝቡንና አገሩን አስከብሮ በመቆየቱ እስካሁን በትግሉ እንዲቀጥል አድርጎታል ያሉት ጀነራሉ፣ ምንም እንኳን ግዚያዊ ፈተና ላይ ብንሆንም “የማንወጣው ተራራና የማንሻገረው ወንዝ ባለመኖሩ’’ ፈተናዉን እንወጣዋለን፣ ሲሉም ቀስቃሽ ንግግሮች አድርገዋል።

ከጥቂት ወራት በፊት የቀድሞ የትግራይ ክልል ርእሰ መስተዳድር አቶ ፀጋይ በርሄ በወልቃይት ዓድረመጽ በመገኘት ወጣቶቹን ለትግል እንዲዘጋጁ ቅስቀሳ ማድረጋቸው አይዘነጋም።

ይሁን እንጅ ህወሓት ወጣቶች ለትግል እንዲነሳሱ ቅስቀሳ ቢያደርግም በአንጻሩ በተለያዩ የትግራይ ክልል አካባቢዎች ነዋሪዎች የፍትህና የመብት ጥያቄዎችን በማንሳት ተቃውሟቸውን መግለጽ ከጀመሩ ሰነባብተዋል።

በተለይም ነዋሪዎች ተቃውሟቸውን መንገድ በመዝጋት መግለጻቸው በብዙዎች ዘንድ አነጋግሪነቱን ቀጥሏል።