አባይ ሚዲያ የካቲት 26፤2012

ከሳምንታት በፊት በጠቅላይ ሚኒስትር ጽሕፈት ቤት ዐስር የአማራ እና የኦሮሚያ ክልል ፓርቲዎች በተገኙበት፣ በኹለቱ ክልል ሕዝበች ጥያቄዎች እና በልሂቃኖቻቸው መካከል መቀራረብ መፍጠርን መሠረቱ ያደረገ ውይይት ተካሂዷል ጠቅላይ ሚኒስትር ዐቢይ አሕመድ በዩኒቨርሲቲ ተማሪዎች መካከል ግጭቶች በተነሱ ወቅት ያሰባሰቧቸው እነዚህ ፓርቲዎች፣ ለኹለተኛ ጊዜ ተገናኝተው ተወያይተዋል።

በውይይቱ ላይ የኦፌኮ አባል መሆናቸውን ይፋ ያደረጉት ጃዋር መሐመድ፣ የጥናት ወረቀት ያቀረቡ ሲሆን በዛ መነሻም ውይይቶች ተካሂደዋል የኦሮሞ እና የአማራ ጥያቄዎች ምንድን ናቸው የሚሉ ሐሳቦች የተነሱ ሲሆን፣ የአዲስ አበባ ጉዳይም አንዱ የውይይታቸው አጀንዳ እንደነበር ታውቋል፡፡

አቶ ሌንጮ ለታ፣ (ዶ/ር) ዲማ ነገዎ  እና (ዶ/ር) አንዳርጌ ውይይቱን የመሩ ሲሆን፣ የአማራ እና የኦሮሞ ምሁራን መማክርቶች ውይይት እንዲካሄድ ካነሳሱት መካከል ናቸው ይህ ለመገናኛ ብዙኀን ዝግ የነበረው ውይይት አወያይ የነበሩት (ዶ/ር) ዲማ፣ በኹለቱ ሕዝቦች መካከል ሰላም እና ችግርም ካለ በውይይት ሊፈታ ሚችልበትን ሁኔታ ለማመቻቻት ያሰበ ውይይት መሆኑን ገልፀዋል።

የፖለቲካ ውድድርን ሰላማዊ ማድረግም ዋነኛ ዓላማው እንደሆነም ተናግረዋል ከአማራ ክልል ፓርቲዎች ከሚወያዩት ፓርቲዎች መካከል የሆነው የአማራ ብሔራዊ ንቅናቄ (አብን) ሊቀ መንበር በለጠ ሞላ፣ ደግሞ ውይይቱ ከአማራ ክልል ውጪ የሚኖሩ የአማራ ክልል ነዋሪዎችን መብቶች ለማስጠበቅ ከፍተኛ ሚና ይኖረዋል ብለዋል።

‹‹እንዲህ አይነት ውይይቶች እና ክርክሮች አስፈላጊ ናቸው። በተለይ በእነዚህ ትልልቅ ሕዝቦች መካከል በጣም አስፈላጊ ነው›› ሲሉም ገልጸዋል ‹‹እነዚህ ሕዝቦች ትልልቅ ናቸው ማለት ማንንም ሊያስከፋአይገባም ከፍተኛ ቁጥር ያላቸው የኹለቱ ሕዝቦች ልሂቃን ውይይት፣ ንግግርም ቢሆን ፉክክር የኢትዮጵያን ነገ ይወስናል። በሁሉም ነገር ባንግባባም የምንግባባውን ያህል መሄድ ግን እንችላለን›› ብለዋል።

የሐሳብ ፍትጊያዎች ይኖራሉ ያሉት በለጠ፣ ይህን ግን ፓርቲያቸው እንደማይጠላውና እነዚህ ፍጭቶች በሐሳብ ላይ ስለሆኑ ጠቃሚ ናቸው ብለዋል ኹለቱ አካላት በአንድ ጣራ ስር ሆነው መወያየት መጀመራቸው በራሱ ሊያስደስተን ይገባል ያሉት አቶ በለጠ አክለውም ‹‹ከዚህ ውጪ ሌላ አማራጭ የለም። ሌላ አማራጭ አለ ካልን ለማንም አይበጅም›› ሲሉም ገልፀዋል ውይይቱ ላይ ኦነግ፣ አብን፣ ብልፅግና /ከኦሮሚያ እና ከአማራ/ ከተሳታፊ ፓርቲዎቸ መካከል መሆናቸውን አዲስ ማለዳ ዘግባለች።