አባይ ሚዲያ መጋቢት 2፤2012

ኢትዮጵያ የህዳሴ ግድቡን የውኃ ሙሌት ብቻ የሚመለከት የድርድር ሰነድ ለግብፅና ለሱዳን ልታቀርብ ነው አለቃቀቅን በተመለከተ ከታችኞቹ የተፋሰሱ አገሮች ጋር ለመነጋገር የሚያስችላትን አዲስ የውይይት ሰነድ እንዳዘጋጀች፣ ሰነዱም በቅርቡ ይፋ እንደሚደረግ ታወቀ።

በአዲስ ይዘት የተዘጋጀው የድርድር ሰነድ በኢትዮጵያ ተደራዳሪ ቡድን፣ በብሔራዊ የባለሙያዎች መማክርት፣ ከሁሉም ዩኒቨርሲቲዎች በተወጣጡ የሕግና የውኃ ምሕንድስና ባለሙያዎች፣ በጠቅላይ ዓቃቤ ሕግና የውጭ ጉዳይ ሚኒስቴር ባለሙያዎች በጋራ መረቀቁን ያገኘነው መረጃ ያመለክታል።

በቅርቡ ይፋ ይደረጋል ተብሎ የሚጠበቀው የድርድር ሰነድ ለግብፅና ለሱዳን ብቻ እንደሚቀርብ፣ ነገር ግን በሦስቱ አገሮች ስምምነት መሠረት ሌሎች አጋሮች በድርድሩ ሚና እንዲኖራቸውም ክፍት መደረጉን ከመረጃው መረዳት ተችሏል የተዘጋጀው አዲስ ሰነድ የህዳሴ ግድቡ የውኃ አሞላልና አለቃቀቅን ብቻ የሚመለከት እንደሆነ፣ ኢትዮጵያ ድርድር የማታደርግባቸውን ጉዳዮች ለይቶ ማስቀመጡንና የኢትዮጵያን የማያወላዳ አቋም የያዘ እንደሆነ ምንጮች ገልጸዋል።

በዚህ ሰነድ መነሻነት በሚደረገው ድርድር የሚመነጨው የመፍትሄሐሳብ ምን መምሰል እንደሚገባው፣ አመላካቾችንም ያስቀመጠ እንደሆነም ምንጮች አስረድተዋል ሰነዱን መነሻ በማድረግ የሚደረገውን ድርድር ለሦስቱም አገሮች ቅርብ የሆነው የአፍሪካ ኅብረት እንዲመራ በኢትዮጵያ በኩል ፍላጎት መኖሩን የገለጹት ምንጮች፣ መንግሥት ይህንን ዕውን ለማድረግ እየጣረ መሆኑን ጠቁመዋል።

የደቡብ አፍሪካ ፕሬዚዳንት ሲሪል ራማፎዛ እንዲያደራድሩ ኢትዮጵያ የጠየቀች መሆኑ ይታወቃል ግብፅ በአሁኑ ወቅት የዓረብ አገሮች በዚህ ጉዳይ ላይ አብረዋት እንዲቆሙ ሰፊ የማግባባት ሥራ ላይ መጠመዷን መረጃዎች ያመለክታሉ የግብፅ የዘመቻ አካል መሆኑ በይፋ ባይረጋገጥም፣ ጀርመን የአውሮፓ ኅብረት አጋሮቿን በማስተባበር ለግብፅ የፋይናንስ ድጋፍ በማድረግ፣ ግብፅ ደግሞ ለኢትዮጵያ ካሳ እንድትከፍል አዲስ የድርድር ሐሳብ ይዛ መቅረቧ በርካታ ኢትዮጵያዊያንን ከማስገረም አልፎ አስቆጥቷል አሜሪካ ድርድር ለማመቻቸት ብላ ቀጥታ ጣልቃ በመግባቷ ኢትዮጵያ ከድርድሩ ማፈግፈጓ አይዘነጋም፡፡