አባይ ሚዲያ ግንቦት 13፤2012

የጉጂ ዞን ምክትል አስተዳዳሪ አቶ ማሊቻ ዲቃ እንደተናገሩት በግጭቱ በሰው ህይወት እና በንብረት ላይ ጉዳት እየደረሰ መሆኑን ተናግረዋል በታጣቂዎቹና በክልሉ ልዩ ኃይል አባላት መካከል ከሁለት ሳምንት በፊት በነበረ ግጭት ነው 12ቱ የኦሮሚያ ልዩ ፖሊስ አባላት በታጣቂዎቹ መገደላቸውን የተናገሩት።

በደቡብ አሮሚያ ጉጂ ዞን በመንግሥት የጸጥታ ኃይሎች እና በቀድሞ የኦሮሞ ነፃነት ግንባር (ኦነግ) አባል የነበሩና በአሁን ወቅት በጫካ ውስጥ እየተንቀሳቀሱ ባሉ ታጣቂዎች መካከል ግጭት እየተካሄደ መሆኑን ምንጮች ለቢቢሲ አረጋግጠዋል”በጉሚ ኤልደሎ ወረዳ ግጭት ተከስቶ 12 የኦሮሚያ የልዩ ኃይል የፖሊስ አባላት ተገድለዋል።

የሞቱት ቁጥራቸው ስንት እንደሆኑ ባናውቅም ከታጣቂዎቹም የተገደሉ አሉ” ሲሉ አቶ ማሊቻ ዲቃ ጉዳቱ በሁለቱም በኩል መሆኑን አመልክተዋል ራሳቸውን የኦሮሞ ነፃነት ሠራዊት ብለው የሚጠሩት ታጣቂዎች በምዕራብ ኦሮሚያ ባሉ ዞኖች እና በደቡብ ኦሮሚያ ጉጂ ዞን ውስጥ እንደሚንቀሳቀሱና መንግሥትም ታጣቂ ቡድኖቹን ለመቆጣጠር እርምጃ ሲወስድ መቆየቱ ይታወቃል።

ታጣቂው ቡድን በሰላማዊው የፖለቲካ መድረክ ላይ ለመሳተፍ ከተስማማው የኦሮሞ ነጻነት ግንባር አመራር ጋር እራሳን የለየ ሲሆን፤ ከዚህ ቀደም የኦነግ ሊቀመንበር አቶ ዳውድ ኢብሳ ‘ኦነግ ታጥቆ የሚንቀሳቀስ ኃይል የለውም’ ሲሉ በተደጋጋሚ መናገራቸው ይታወሳል በጉጂ ዞን ታጥቆ የሚንቀሳቀሰው ኃይል በአከባቢው ነዋሪዎች የዕለት ተዕለት ኑሮ ላይ ከፍተኛ አሉታዊ ጫና እያሳደረ እንደሚገኝና የመንግሥት ደጋፊ ናችሁ’ እየተባሉ ታፍነው የተወሰዱ ሰዎችም መኖራቸውን አቶ ማሊቻ ለቢቢሲ ተናግረዋል።

የአከባቢውን ሰላም ለማስከበር በዞኑ የአገር መከላከያ ሠራዊት፣ የኦሮሚያ ልዩ ኃይልና መደበኛ ፖሊሶች ተሰማርተው እንደሚገኙ የገለጹት ምክትል አስተዳዳሪው በተለይ በዞኑ በሚገኙት ሰባ በሩ፣ በጎሮ ዶላ እና ሻኪሶ ወረዳ ግጭቶች እንደቀጠሉና “በሁለቱም በኩል ሰው እንደሚሞት ተናግረዋል።

ከዚህ ቀደም የአገር ሽማግሌዎች እና አባ ገዳዎችም ታጣቂዎቹ ነፍጥ ጥለው ሰላማዊ እንቅስቃሴ እንዲያደርጉ ጠይቀዋቸው እንደነበረ የሚያስታውሱት አቶ ማሊቻ፤ “ከዚህ በፊት እጃቸውን የሰጡ አሉ አሁን ግን በመነጋገር የሚመለሱበት ደረጃ ላይ አይደሉም” ይላሉ ከሦስት ወራት በፊት በምዕራብ እና ደቡብ ኦሮሚያ ስላለው የጸጥታ ችግር ማብራሪያ የሰጡት ምክትል ኢታማዦር ሹሙ ጀነራል ብርሃኑ ጁላ በወቅቱ መንግሥት በወሰደው ኦፕሬሽን “በአካባቢው የነበሩ ኃይሎች ላይ እርምጃ ተወስዶ አከባቢው ነጻ ወጥቷል” ብለው ነበር።